O IGAPE, ten entre as súas funcións fomentar o espírito emprendedor, apoiar a creación de empresas, dotar os futuros empresarios dos coñecementos e habilidades necesarias para xestionar a súa empresa e apoiar a consolidación e innovación no tecido empresarial galego.

Para acadar estes obxectivos colabora con diversas entidades públicas e privadas como concellos, cámaras de comercio, asociacións empresariais e de autónomos, centros educativos e universidades, obradoiros de emprego, fundacións etc, ademáis de formar parte da Rede Europea de Centros de Empresas e Innovación (EBN) e da Rede Española de CEEIs (ANCES), para, deste xeito, estar presente no maior número de lugares e actuar sobre o maior número de persoas pertencentes aos colectivos a que se dirixe:

• Emprendedores
• Pemes e micropemes
• Autónomos
• Estudantes e profesores
• Axentes de emprego e desenvolvemento local

Os medios utilizados por IGAPE para favorecer a creación e consolidación de empresas –cursos e seminarios, estudos sectoriais, publicacións, programas informáticos...– estrutúranse a partir de tres parámetros básicos que determinan a natureza, o público obxectivo e o nivel de acceso a estes recursos.

• Carácter integral: os distintos recursos de apoio cobren de forma íntegra o proceso de creación e posta en marcha dunha empresa, desde a fase de motivación emprendedora ata a consolidación empresarial.

• Adaptación ao perfil do usuario: os recursos están adaptados ás características específicas dos distintos destinatarios, estudantes (formación profesional, ensino secundario, universidade), emprendedores, empresarios (novos empresarios, autónomos, micropemes, pemes...) e axentes de emprego e desenvolvemento local.

• Accesibilidade: os recursos preséntanse en formato físico e electrónico, o que facilita o acceso a estes. Isto permite realizar os cursos e seminarios de forma presencial ou telemática, e consultar e descargar a práctica totalidade de documentos e publicacións a través da Web de Bic Galicia.
   

Contacto

 Igape

Web: www.bicgalicia.org

Email: contacto

Teléfono: 902300903      Fax: 981546832

Dirección: Barrio de San Lázaro 63A. Edificio Igape 3º. 15.703-Santiago de Compostela                     

Localización