INICIATIVA PARA A FORMACIÓN E ACOMPAÑAMENTO A COACHES EMPRENDEDORES

¿Que é Innocoaching?

É  un programa formativo que impulsa o crecemento e a consolidación da empresa mediante a formación de coaches no ámbito da innovación.

Os eidos en que traballa o Innocoaching son:

• A implicación e proactividade no cambio necesario: “A solución está na empresa”
• O aumento do rendemento das persoas pola maior motivación: “O talento é unha especie que crece nas condicións axeitadas”
• A coordinación do equipo que compón a empresa: “O equipo é moito máis que a suma das partes”
• A transmisión de coñecementos entre as persoas e a aprendizaxe continua: “A organización que aprende”

A finalidade é promover a cultura da competitividade na empresa a través da aplicación das ferramentas de coaching co fortalecemento das habilidades persoais e de equipo para innovar e mellorar a produtividade das empresas.

Os servizos van dirixidos fundamentalmente a persoas de empresas de nova creación que teñan responsabilidades no ámbito da innovación empresarial

• Selecciónase a persoas clave de empresas de recente creación.
• A persoa realiza un programa de formación en coaching específico para a mellora competitiva e consolidación da empresa.
• A persoa aplica a metodoloxía aprendida en cada empresa a través dun programa de titorización de coaching interno para a implementación de proxectos concretos de innovación destinados á consolidación da nova empresa.

Celebrarase unha xornada de información o día 5 de outubro para expoñer o programa e informar ás persoas e empresas interesadas en participar no programa formativo.