FORMACIÓN
 
O emprendedor pode atoparse con numerosas dúbidas ou temas ás que se enfronta por primeira vez durante o proceso de creación e posta en marcha dun proxecto empresarial.

A situación de partida de cada emprendedor é tamén diferente, e pode ir dende un punto inicial no que se dispón da motivación para crear a empresa, ou xa se está a buscar a idea empresarial ou se quere realizar un plan de negocio para determinar a viabilidade técnica, comercial, económica e financeira da mesma.

Bic Galicia dispón dun conxunto de recursos e servizos de apoio destinados aos emprendedores, que teñen como obxectivo facilitar que este percorrido dende a idea ao proxecto empresarial, se realice coa maior garantía de éxito, a través da capacitación dos emprendedores, o asesoramento e o acceso a información do seu interese.

Estes recursos e ferramentas para emprender son:

• Formación para emprendedores presencial e virtual
• Recursos e ferramentas para  elaborar o plan de negocio, para estudar a súa viabilidade, de carácter informativo
• Servizo de asesoramento e titorización de emprendedores
• Novas de interese para emprendedores
• Información sobre axudas e subvencións